雞蛋仔 – New Born Photos

Day 11,今日帶左雞蛋仔去 Mouton Photography – Newborn, Baby, Family & Maternity Portraits 影 New Born 相。上胎家姐芊嶠冇影到,之後已經好後悔,因為過左個段時間就冇得再影,所以今胎一定要帶雞蛋仔去影返一輯,而 New Born 相最佳拍攝期係出生15天內,所以嶠媽坐緊月都帶雞蛋仔出去影。

我地預約左10點影相,一早就起身買早餐係屋企食,仲有阿妹朋友 Connie 一早上黎幫我化個精神妝,同埋簡單 set 下頭,好快手搞掂左,就搭的士出發,因為嶠媽坐月中,所以搭的士會係最好既交通工具。一去到樓下,棟大廈好靚,係甲級商廈,入到大廈有冷氣,Lift 入面又有新聞睇,出Lift 都 keep 住有冷氣。去到studio 個感覺好舒服,米白色牆身,舒適到有d想訓教,絕對岩哂 bb 影 New Born 相,因為個環境舒適,佢地就會好易訓著!

上到黎,攝影師 Coral 就拎玩具比家姐芊嶠玩,好貼心,因為芊嶠哩個年紀冇玩具真係坐唔定!之後 Coral 就慢慢好細心禁開始幫細佬包巾,其實細佬食飽奶,但因為安全感,一除衫佢就開始扭計,Coral 都好細心又小心禁幫佢包巾,又要一路哄細佬,好難先哄到細佬訓返教。我地係梳化到睇到都好緊張,因為芊嶠不停係哩邊玩玩具,又想講野,但細佬又要係一個安靜既環境下面訓教影相。

我好中意 Coral 佢地哩到有個訓教神器,一路播住令到嶠媽都想訓,禁 bb 更加唔洗講,聽住就更加好訓!Coral 幫細佬影左幾個唔同造型,當然唔少得既係雞雞造型,話哂都係雞年出世丫嘛,嶠媽仲帶左私伙雞雞公仔黎影!影影下相,細佬都柯左兩次便便,Coral 好細心,仲幫細佬換片,麻煩哂!中間細佬都有食一次奶奶,食完奶奶影就更加順暢,因為會訓得冧d!

Studio 有好多衫衫比 New Born Baby 著黎影,我地都簡左淺藍色吊帶褲比細佬著,因為真係太可愛。到影家庭照,我地就簡左將細佬包成淺藍色蛋蛋一齊影,襯返我地既淺藍色家庭裝。其實套衫細佬都有份,不過可能真係要細佬一歲先著到,所以芊嶠個條我都買大左,而家著好大條,Coral 好細心禁拎左個夾幫家姐扣住條裙後面,等佢條裙望落唔好鬆拋拋,哩樣嶠媽就真係唔夠細心喇!

影家庭照係芊嶠同細佬影先,訓係床仔到攬住細佬影,家姐本身好肉緊,媽媽係隔離睇住都好驚佢會打親細佬,好彩家姐對細佬都好溫柔,又攬又錫好 sweet!最緊要係家姐肯望鏡頭,禁就仲靚。之後當然到媽媽同細佬獨照時間,Coral 教我點擺 pose,佢仲放細佬落我對手到,嶠媽真係超級緊張,好彩 Coral 冇嫌棄我蠢,慢慢教我擺岩位影靚相。之後就有嶠爸既加入,亦有嶠爸同細佬既獨照,嶠爸個 pose都好有型,細佬好好訓好合作。之後再有家姐一齊影既全家福,不過家姐就唔太合作,影到一兩張已經偷笑!

影相影左大約三小時,開頭我仲諗,有冇需要影三小時呢?但黎到後終於明白,因為影 New Born 相又要包巾,又要哄 bb 訓,都唔係禁容易,仲要唔係每個 bb 都禁易哄,所以少 d 毅力都唔得!又要幫 bb 擺 pose,要墊好多枕頭仔墊高佢地,有時擺好 pose bb 又喊,而且影 New Born 係唔會用閃光燈,會用自然光,所以佢地 Studio 有一大塊落地玻璃加 d 白色窗簾布,等 d 光照入黎,唔洗用閃光燈都好靚,又唔會太光,個感覺好舒服,真係會愈坐愈眼訓!快樂既時光過得特別快,芊嶠臨走都仲要呃多兩粒星星餅食,今次真係要多謝 Coral 同助手 Amelie 禁有心機幫我地影靚相,未幫 bb book 影 New Born 相既媽咪,可以去了解下,睇下 Coral 既攝影風格,有興趣就好預約定喇!

✨✨✨✨✨✨✨✨✨✨✨✨✨✨✨✨

📷Mouton Photography – Newborn, Baby, Family & Maternity Portraits📷

地址:葵涌青山公路403-413號匯城集團大廈18/F,workshop F

網址:http://moutonphotography.net/

電話:6226 6992

✨✨✨✨✨✨✨✨✨✨✨✨✨✨✨✨

產品試用/合作,歡迎聯絡: christytang329@gmail.com

更多芊嶠與細佬·雞蛋仔既故事:

Facebook ESDlife WOW Baby-Kingdom Ubaby Magazine

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: