《沒有十全十美的爸爸,只有盡心盡力的爸爸》

近排成日見到好多可以將豬爸爸隊友,變成神爸爸隊友,我覺得爸爸未必可以成為神隊友,但我知道你一直都係盡心盡力,仲記得芊嶠出世,你每朝4點起身返工,但你知道女兒皮膚幼嫩,所以每朝都會幫女兒浸洗好衫才出門口,每日回家明明很累,但知道女兒爆屎爆尿,污糟嘅衫褲,你都會用手洗乾淨,之後再晾起。

芊嶠每晚都係要人抱住,係咁搖下搖下先肯訓,你都會叫我餵完佢飲奶後爭取時間休息,你抱住佢訓。你知道自己唔識幫個女沖涼,我又驚,第一次沖涼前,就上網勁睇片,睇下點幫個女沖涼,其實最驚係反身沖,你都會用手幫我接住芊嶠,等我唔怕幫佢反身沖涼。

芊嶠大左,我地決定想生個細佬妹,你都好努力同我一齊每日話比芊嶠聽佢好快有個細佬,問佢想唔想,鐘唔鐘意。自從做左ftm,我知道得你一個返工係辛苦嘅,我知道每日你放工返來,仲要陪個女係累嘅。細佬出世後,明明你話會偏心芊嶠 (但一早估到你唔會),每日返來仍然會比時間陪芊嶠和細佬。

細佬爆屎爆尿,手洗嘅工作你仍然繼續做,雖然你到而家換片嘅功力仲仍然唔係咁好,但我知道你盡左力,每次幫細佬換屎片都驚會整到周圍都係!試過一次幫細佬沖涼,細佬爆喊後就驚左?其實係唔想細佬驚左沖涼,所以唔再落手!但每晚幫芊嶠沖涼嘅重任交左係你手,最好笑每晚都同芊嶠講要淋佢塊面,雖然每次都唔會做,但每次講親芊嶠都會好驚。

我知道我唔算係一個好老婆,唔靚又唔識煮飯,但好多謝你咁多年對我嘅忍耐,我知道做媽媽唔易,做爸爸都唔易,你嘅底線為左我地就改到愈來愈低,我地做咩你都會遷就,雖然你都會成日打機,但我知道你係一個盡心盡力嘅爸爸。你好盡力想同芊嶠friend啲,但芊嶠鐘意就痴你,唔鐘意就推開你,我知道佢嘅說話好傷人,但好彩你仲有細佬。

哩個世上冇十全十美嘅人,我唔係,所以都唔可能要求人地係,我仔女唔需要十全十美嘅爸爸,只要一個會為佢地盡心盡力嘅爸爸就夠,你地呢?

#沒有十全十美的爸爸 #只有盡心盡力的爸爸 #在我心中你已經很完美 #好爸爸沒定義 #你是我仔女的好爸爸 #芊嶠與劻霖成長日記 #嶠媽嶠爸

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: