【周末好去處】清新地「半農半旅」蒙古包露營新體驗

宿營?露營?嶠媽讀書個陣都從未參加過。可能你會覺得怪,點解我會冇參加過?因為嶠媽細個好驚係屋企以外嘅地方訓覺,所以係一次都未參加過!今次有機會參加清新地最新嘅「半農半旅」活動,係兩日一夜嘅露營活動,嶠媽真係付出左我嘅第一次比兩個仔女同老公!

我地先搭車去白沙灣碼頭,再轉船入清新地!其實除左搭船,自己揸車嘅話可以係碧水新村泊車,再行山路入去,或者係科大都有條山路落去清新地。

去到我地先去蒙古包到放低野先,當然順便參觀下啦!清新地個到有個示範單位比我地參觀下先,之後先再選一個蒙古包準備夜晚過一夜!

蒙古包入面有張雙人吹氣床,有個小帳篷,小朋友可以係帳篷入面玩,甚至訓教。小帳篷下面都有張小床褥,咁小朋友都玩得舒服又放心啦!另外,蒙古包內有風扇,亦有部冷氣+暖氣兩用爐,冬天再凍都唔洗怕,夏天亦唔怕又熱又焗啦!如果有需要,可同職員講,加多張單人吹氣床都冇問題!

蒙古包內有個車架,上面放左餐具,比大家晚上吃晚餐時使用。蒙古包外仲有沙灘椅比大家坐下 relax 下!話就話露營,但有咁好嘅配套,真係一個超好嘅體驗。

蒙古包行到盡頭,仲有個觀景台,係觀景台舉辦 Party 都冇問題,可以順便欣賞到白水碗瀑布嘅美景!

活動未開始前,優遊時間可以同小朋友周圍玩下先,農場內都有好多玩樂設施,適合大小朋友玩!

活動開始,首先會有有機耕種講解,之後小朋友就可以落田親手收割有機蔬菜及香草,為晚上嘅晚餐作準備!

職員會示範基本生火方法,首先小朋友要自己執乾枯左嘅樹葉、幼樹枝和粗樹枝。之後最難嘅就係生火啦,比較危險嘅任務當然要留返比爸爸啦!要用打火棒來生火,利用火絨,之後再加枯葉,慢慢再加幼樹枝,再慢慢加粗樹枝,最後個火穩定左,就加埋炭,搞掂好就放埋個雞煲上去。

煮飯嘅任務一向都係由嶠爸包辦,所以今次都唔例外,成個雞煲由洗菜,切菜,切雞,整配料,都係嶠爸一手一腳做哂,辛苦爸爸了!

嶠爸努力的成果!

炭燒香草田園春雞鍋,成品出爐了!另外,仲有清新地同事嘅手工製麵條,出面食唔到架!

食完晚餐,就要準備第二朝嘅早餐啦!就係親手製麵包啦!今時今日,好多人都會用麵包機,只要放好材料,禁個制時間夠,麵包就製成了!邊個仲會親手整麵包出來?手製麵包真係一啲都唔容易架,要搓到個麵團起筋,搓開嘅都要搓15分鐘,冇搓開嘅自己諗下要幾耐啦!搓到起筋後,再等待一晚嘅發酵時間。

發酵後 size 變超大!芊嶠整果個 mini 版好明顯搓得唔夠,起唔到筋,所以 size 就一直冇變!

我們食完麵包之後就搭早船離開清新地啦!附上「半農半旅」活動簡介!而家,清新地招募緊新會員,會費包括,2位來回船費乙次、2位「半農半旅」體驗乙次、迎新禮物、八折買有機菜及免費泊車 (只限碧水新村)。

另外,清新地都有日營活動可參加,想參加日營嘅朋友都可以參考一下哩張價目表!

===============================

Nature’s Harvest 清新地

地址:西貢白水碗D.D.227 (科技大學旁)

網址:http://www.naturesharvest.com.hk/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: