【慳媽推介】平民價剪髮 x 小型賽車場

農曆新年就快到,除左大人要剪返個靚髮過年,小朋友都一樣要,但大部分小朋友都好怕剪頭髮,通常都會喊。但偏偏芊嶠由細到大都肯比人剪頭髮,無論係識唔識都好,佢都會肯剪,雖然都有扭計嘅時候。就係前排,比嶠媽發現左一間新開嘅單剪髮型屋,單剪同快剪唔同,快剪用5-10分鐘就剪好一個頭,單剪係好用心去剪每一個頭!髮型屋位於新蒲崗,好近嶠媽屋企,鑽石山地鐵站行去都唔算太遠。

講返先,一入到髮型屋,就見到有兩架車車,係比小朋友坐係上面剪頭髮架!係咪好型先?

而且兩架車車前面,都會有唔同主題嘅貼紙,仲有兩款唔同公仔嘅鏡添!芊嶠都覺得好吸引!

因為係單剪屋,如果去到遇到有小朋友剪緊,咁哩個時候就可以玩住等啦!店內有個小型賽車場,有兩架米奇老鼠電單車,等小朋友可以一路玩一路等!仲有紅綠燈,令小朋友更投入,仲有幾個街名貼左係牆,真係好似係街到揸車咁!

就係哩兩架米奇老鼠造型電單車,係咪好正先?男仔同女仔坐上去,都立即變成賽車手。

仲有哩架綠色跑車,但壞左,咁就上去影返張沙龍啦!睇下劻霖幾認真咁擺pose!

芊嶠選左白色跑車,坐上去,之後披上一張好大張嘅剪髮巾,塊巾仲可以包埋架車!嶠媽覺得有樣野好特別,你地見唔見到巾中間有個透明位?小朋友手仔係入面可以揸住呔盤,透明果個位可以望到架!髮型師哥哥好細心咁幫芊嶠剪頭髮,剪完就算吹頭,芊嶠都冇有怕!

剪完後,我叫芊嶠影返張相,髮型師哥哥仲開埋跑車兩對門,等芊嶠可以型住影相,但哩位小朋友冇一張相望鏡頭,一時又話要關跑車門,一時又話要落去揸電單車,哥哥想幫佢影張靚相都唔肯望鏡頭!講返,芊嶠哩個冬菇頭,顯得佢好可愛,成日好想笑佢,太可愛了!剪完唔洗即刻走架!可以再去賽車場到揸返幾轉再走都得!

另外,如果小朋友唔玩車車或唔坐車車剪髮,不論男女老少,都只係$60。但如果要係兒童專區剪髮,包括坐車車剪和玩車車,咁就要比$80架啦!而且只限130cm以下小朋友咋!

**星期六、日,公眾假期可能會較多人,可以的話先預約,會比較好。

================================

One Quick Trim 單剪屋

分店地址:九龍新蒲崗爵祿街21號地下 (可立中學旁,華潤超市隔離)

營業時間:10:00am – 9:00pm (星期一至日)

Whatsapp:6656 2322

#平民價剪髮 #小型賽車場 #OneQuickTrim單剪屋 #坐住跑車剪頭髮 #剪前剪後任玩電單車 #有個好正嘅車場 #有埋紅綠燈 #小朋友玩到唔捨得走 #咁平剪髮又有得玩 #下次再幫襯 #最緊要髮型師哥哥好細心 #芊嶠與劻霖成長日記

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: