【復活節好去處】香港賽馬會同心同步同樂日2018

香港賽馬會每年都會舉行同心同步同樂日,我最記得上年係芊嶠同日出世 group 到得知哩個活動,仲傻到跑去馬會想買飛,但原來唔係係馬會買飛架!係要網上購票,我知道已經太遲!所以今年一早較定鬧鐘,準備好資料、信用卡等等,一開售就撲飛!仲有,每年有個「策騎小馬」活動,都一定要預先網上登記抽籤,抽中左,收到訊息先有得參加!

因為係網上訂飛,所以入場用專用 QR code,入場前掃瞄 QR code 就入得場啦!之後會每人比一本書仔,唔好以為冇用呀!最後個頁夾左手帶 及 遊戲券架!每人有5遊戲券,玩唔同嘅遊戲,需要嘅遊戲券數目都唔同!不過大多數遊戲都冇限高度,亦可以由家長陪同!

我地一去到,就已經即刻破財啦!因為芊嶠係屬馬,所以我地就買左哩款馬仔,仲可以即場繡名,可以繡中文名或英文名!我都係覺得「芊嶠」個名特別啲,所以就決定繡「芊嶠」係馬馬個馬鞍上!馬馬顏色和馬鞍顏色,甚至繡花線顏色,都可以自選!我地13:30買,要等到17:30先有得拎!但都冇理,買左先算!盛惠160大元!

另外都唔少得馬馬產品,唔知點解嶠媽好鐘意睇背包!有條癮係到!

「投」入家庭樂,2張遊戲券 / 30秒 / 110cm 小朋友需家長陪同,5個籃都成功投籃,就可以獲得紀念徽章一個!

騎師訓練機,3張遊戲券 / 110cm 以上,我覺得幾有趣,而且真係要出力,唔係隻馬係唔會郁!不過兩個人鬥馬,輸左都只係拎第二姐!

快樂指數,2張遊戲券 / 30秒 / 110cm 小朋友需家長陪同,其實好易玩,小朋友將圓盤推到標靶,標靶上有不同嘅快樂原因,完成後會得到徽章一個!

七彩滑梯城,3張遊戲券 / 2分鐘 / 90-130cm / 40kg 以下,小朋友自己玩,盡情放電吧!

風馳電掣,3張遊戲券 / 2分鐘 / 90-130cm,想玩嘅小朋友可能要比啲耐性排隊玩啦!

超級大滑梯,3張遊戲券 / 2分鐘 / 90-130cm,同樣,好多人排隊!

亞馬遜樹屋,3張遊戲券 / 2分鐘 / 90-130cm,哩個最多人排!

森林障礙賽,3張遊戲券 / 2分鐘 / 90-130cm,最少人嘅一個,因為真係障礙重重架!對芊嶠來講都係一個挑戰!好彩工作人員協助佢,教左佢一次,玩第二次已經記得點玩!完成後仲有徽章一個!

另外,場內仲有 DIY 工藝坊,由3歲起都有唔同嘅工作坊可參加!但必須要先預約,好玩好靚搶手嘅都會好快比人 book 哂!嶠媽建議大家入場後先來預約喔!

暗中作畫,3張遊戲券 / 5分鐘 / 4歲以下需由成人陪同,嶠爸叫我帶芊嶠去玩,因為佢話好靚!芊嶠好開心,因為拎住支筆周圍畫畫畫!又可以畫係汽球!記住唔好畫地下呀!

策騎小馬,3歲以上 / 身高 85cm 以上 及 110磅以下,哩個係我帶芊嶠來參加活動其中一個原因!一收到 SMS 抽中左,開心到飛起!芊嶠係咁周圍同人講佢要去騎馬馬!好多小朋友未上馬已喊,芊嶠好大膽,上到馬就話「媽媽我好驚!」但係馬馬上面好叻叻,玩完佢話好開心,下年要再玩過!

其實玩遊戲都可以拎到徽章,不過就唔知儲唔儲到一套,想儲齊一套,不妨考慮成套買,盛惠180大元。

=======================

香港賽馬會同心同步同樂日2018

地點:沙田馬場及彭福公園

日期:3月30-31日 (10am – 6pm) / 4月1日 (10am – 5pm)

交通:沙田站 (排頭村,康樂及文化事務處總部側) 有接駁巴士 / 火炭站步行約10分鐘

網址:http://campaign.hkjc.com/ch/rht-festival/index.aspx?cid=PMXXSUA_1718RHT

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: