【護膚新體驗】FILORGA

好多媽媽因為湊小朋友,冇時間護膚,但護膚同湊小朋友同樣重要!因為不時需參加小朋友嘅家長聚會,點可以以黃面婆形象見人?!時間就係金錢,今次嶠媽就話比大家知點樣用一晚時間,比皮膚休息夠8個鐘!

【必需先增強肌膚吸收力】好多媽媽們為求方便,而沒有使用肌底液。想皮膚全效吸收後續護膚品,就絕對不能忽視呢個步驟!嶠媽手上拎住嘅係#NCTF保濕粉水,正名為NCTF ESSENCE 新肌賦活肌底液,可為肌底強效補水、排毒、提亮,咁肌膚就可以時刻保持水漾粉嫩光澤啦!~使用方法好簡單,可早晚使用,潔面後,搽抹精華及面霜前使用。快速吸收,感覺清爽不油膩!

由即日至2月28日,支付寶Alipay用戶於指定銷售點仲可以85折優惠選購 NCTF新肌賦活肌底液!想試就快啲襯有優惠買啦~

【NCEF® NIGHT MASK 新肌賦活睡眠面膜】2合1面膜 + 乳霜新肌賦活睡眠面膜,佢蘊含十倍濃度嘅NCEF® (前身為NCTF),集維他命、氨基酸、核酸、礦物質同抗氧化劑於一身。特別適合睡眠不足導致皮膚暗啞嘅人,只需睡前厚敷,有助緊緻、去紋、舒緩疲累肌膚,岩曬忙碌嘅媽媽們,一訓醒肌膚就得到8小時充足嘅睡眠!每晚睡前先使用肌底液,再把面膜厚塗於整個面部和頸部。這款面膜可保護皮膚,避免氧化物刺激,抵禦污染物侵害 ,於晚間修復及舒緩疲累肌膚!

日常護膚做得好,使用適合自己嘅產品,即使冇時間做 Facial,仍然可以擁有美麗嘅肌膚。誰說當媽的不可以漂亮?

=====================
1)NCTF ESSENCE 新肌賦活肌底液 150ml (售價 : $420)
2)NCEF NIGHT MASK 新肌賦活睡眠面膜 50ml (售價 : $580)

FILORGA知多啲!
法國權威醫學品牌 FILORGA,擁有超過35年尖端醫學美容研究經驗,研發獨家專利成分 NCTF® 而聞名。以納米微球技術將活膚成分傳送至肌底,效果媲美醫學美容針!絕對係高效護膚之餘又唔洗打針嘅佳物~

想知多啲 FILORGA NCTF® 嘅產品詳情,可以嚟呢度睇真啲:http://filorga.pgtb.me/0v2krq

【重新裝潢】魔髮鏡 – 兒童髮型屋

我諗好多爸媽都試過,帶小朋友出去剪頭髮,小朋友都會坐唔定,又或者會大聲喊,表示好驚!雖然你可能會講,小朋友都要出去剪頭髮?係屋企幫佢剪未得囉!嶠媽我就係聽得太多媽媽朋友話錯手,剪到個仔/女個頭衰左!最後都要帶去 Salon 補穫!所以嶠媽我從來未試過落手剪過佢地一條頭髮!當然剪頭髮,有貴亦有平,視乎你覺得值唔值得!

我地前排去皇室堡行街,同芊嶠經過「Magic Mirror」,芊嶠就已經衝埋去,話想入去玩!我話係剪頭髮架,佢返到屋企就同爸爸講想去哩到剪頭髮!爸爸二話不說,就話ok,比佢剪一次啦!

小朋友真係好開心,細小朋友,即係好似劻霖咁嘅年紀,可以揀長頸鹿或者係斑馬坐。

大小朋友,好似芊嶠咁嘅大b就可以揀坐兔兔、馬馬或熊貓!

爸爸媽媽就可以安坐係梳化休息下。

髮型屋入面仲有玩具比小朋友玩,可以係 warm up 個陣玩,廚房廚房廚房呀,真係小朋友至愛!芊嶠和劻霖一入門口即刻衝左埋個廚房到!

芊嶠就揀左熊貓來坐,塊鏡有咩用?其實鏡中間係一個螢幕,小朋友可以揀自己喜歡嘅片睇!一路睇一路剪頭髮、咁小朋友就可以坐定定剪髮啦!

芊嶠其實好怕洗頭架!但來到魔髮鏡哩到,可以訓係張床到舒舒服服咁洗頭,就唔驚啦!

芊嶠就當然揀佢最鐘意嘅 Elsa 睇,睇下佢睇得幾入神!髮型師就好努力幫芊嶠剪頭髮。

剪得8899,咁就開始吹頭造造型啦!

剪完頭髮,造型完成!做緊咩?當然要影相留念啦!原來第一次來 Magic Mirror 剪頭髮,仲會送返張相比你做紀念架!好窩心呀!

就咁睇都唔知芊嶠造型係點,比返張 before and after 嘅相大家睇下啦!造型前後都有大分別架!

劻霖剪之前,髮型師都有同佢玩下玩具,同佢培養一下感情先!其實係同佢混熟啲,等佢唔會咁怕生!

劻霖就揀左坐斑馬,因為佢係細bb,怕佢會跌落黎,所以會配返條安全帶比佢!安全第一。

開始剪髮啦!劻霖就係到聽兒歌,其實一路聽住歌,一路睇片,再剪髮,簡直係開心嘅享受!

造造型,男孩子選擇唔多,通常都會用剷剷頭髮,劻霖就覺得好痕,很咁縮下縮下咁!好可愛!

大家睇下劻霖 before and after 嘅相啦!

最後,點少得比返個價錢大家睇啦!想影記住要打電話去預約呀!

=================

魔髮鏡 – 兒童髮型屋 (Magic Mirror Kids’ Hair Salon)

地址:銅鑼灣告士打道311號皇室堡218號舖
電話:2882 2118 / 2882 2138 / 2882 2122

Website:www.magicmirror.com.hk/

IG:https://www.instagram.com/magicmirrorkidshairsalon/

爸媽反思!!邊學邊做先會進步⋯

2018年剛剛過去,1月好靜,因為好想陪下對仔女!反思2018下半年,日日都追追趕趕,唔知為咩?做完嘅野都唔記得?去嘅地方多到10隻手指都數唔哂!但琴日發生左件事,又令我反思一下。

每次有人叫你去玩,你第一時間會諗,我仔/女應該會鐘意嘅,去玩嘛!邊個小朋友會唔想?去到玩,你又要佢做哩樣,做個樣,去比你影相,去比你拍片,其實佢真係有玩到咩?真係佢想玩咩?

好似哩張相,我平時好想芊嶠坐定定比我影,佢會勁唔合作,因為覺得我迫佢!但朋友仔爸爸拎住相機話影佢,佢就自己擺哂 pose 比人影!諗深一層,其實平時佢真係唔想影,但做媽嘅就要迫佢就範;佢想影時,就算你唔叫,佢都會行埋去叫你幫佢影!所以又一證明,爸媽嘅控制慾其實好強!

就好似哩個活動咁,我參加前都好怕佢去到話唔玩,又怕佢累!但原來去到係咁多野玩,而且佢仲玩得好投入!如果當初我又照自己想法去諗佢,可能又會錯過左比佢開心、投入去參加活動嘅機會!

而且我發覺,每次去活動,爸媽大多數都係企係隔離影相,玩嘅可能得小朋友自己一個!但你從來都唔會諗,可能小朋友唔介意你有冇影低相做留念,反而最想你陪住佢地玩?又一爸媽需要反思嘅問題!

見到哩張相,你會有咩感覺呢?佢頭頂上果個飛碟,本身係放係地下,佢地係要跑去對面,執返來再交比姐姐!但芊嶠就當係帽咁戴,但在爸媽眼中呢?多數爸媽會話:好污糟架!頭先放係地下,你而家又擺上頭?係咪呢?我都曾經咁樣諗!但諗深一層,其實佢都幾有創意,因為佢發現到原來個飛碟都好似頂帽咁,所以佢先會有咁嘅舉動!

去到最後,我最想分享嘅係琴日發生嘅事,話說有朋友要搵6歲以上小朋友同家長一齊拍段 video,我話芊嶠得4歲想推,但朋友叫我試下,我不停同佢重復練,當然好想幫到朋友啦!芊嶠一直都好投入咁同我一齊練!但夜晚一訓低,突然又好想芊嶠一句:其實你想唔想拍?佢只擰頭作回應,佢唔敢開口,因為驚我會嬲!我再話,你係咪唔想?你可以講!佢答我:唔想!因為真係好難!我個下「叮」左一聲,成個人醒哂!原來好多野都係我一廂情願想佢做,其實佢未必想做!有好多活動係我以為佢好想參加所以帶佢去,原來佢未必想去!

今次哩件事令我反思左好多,小朋友其實都應該有自己嘅權利,去表達自己想要嘅野,想去參加嘅活動!所以多聽聽小朋友嘅心聲,咁會幫助到你成為一個更成功嘅爸媽!當然,唔係話就哂佢地啦!都要教佢地分對與錯!

【價錢超值】影相超靚 V11 手機

好多媽媽出街通常都一袋二袋,帶個細袋袋埋手機、銀包,都冇位淨,仲邊有手/位拎相機?仲有人拎相機出街?有嘅,但要有老公 support 先得囉!如果有部手機,影相可以拍得住相機,你又會唔會心動?

唔知你地有冇聽過 vivo?vivo 雖然係大陸 brand,但亦係全球熱門嘅手機品牌,仲係今年世界盃指定手機品牌添呀!

V11 係水滴屏設計,令成個 mon 嘅視野更大,睇片、上網真係勁爽呀!

手機係星雲色 (紫藍漸變) 配色,真係好靚呀!

最正係,V11 有前置 2500 萬像素自拍鏡頭,影出來真係好靚,完全唔洗執相都已經好靚!因為通常前置鏡頭影相像素都會差啲,有啲仲會起格添,V11 真係 Selfie 都可以影得好清晰細緻。

另外,必推 V11 相機嘅逆光模式,簡直係令我一用愛上。唔知你有冇試過好想影個靚景,但又咁啱有逆光,影到個人好黑,真係會好唔開心。用 V11 加埋佢個逆光模式,就影靚相冇難度啦!

哩張就係同一位置,用另一部手機影出來。

另外,V11 嘅後置 AI 雙鏡頭,有超強逆光模式,影相更美。

仲有 V11 個人像散景,可以先影相後對焦,媲美用單反相機嘅景深效果,你睇下哩張相,雖然後面好多人,但都可以睇到我先係個重點!

仲有 vivo 好勵害嘅屏幕指紋解鎖,創新科技直接按落個 MON 到就可以解鎖,好有科技感。最最最重要嘅係,V11 有雙引擎快速充電,由 0-100% 充電只需要 1 個鐘頭多啲,充電快啲慳返好多時間。

一拖二,鐘意幾時 Selfie 都冇問題,媽媽啲皮膚終於都可好似兩個仔女咁靚啦!

V11 影靚靚夜景都冇問題,係咪拍得住相機咁靚呢?

去玩影靚相,洗咩一定要帶相機?而家只要拎住部 V11 就 ok 啦!

【元朗超大髮廊】電髮、染髮初體驗

嶠媽就唔係元朗人,但我身邊都好多住元朗嘅朋友,成日聽佢地講,元朗千色後面有間好大嘅 Salon,結果今個月終於抽到時間,放低芊嶠和劻霖,約左髮型師 Ron 去整一整我哩個幾年冇整過嘅頭!

就係哩間啦!【Unite】,門口都好型,我係12月頭去整,髮廊入面都已經充滿濃濃嘅聖誕氣氛。

門口睇好似唔係好大,麻煩登記直接上2樓!

Reception 都好靚!

等髮型師 Ron 嘅時候,可以睇住雜誌先啦!

第一時來,Ron 就睇下我嘅髮質,比啲意見我!因為我一早同佢講左係想電髮,唔想染髮,但 Ron 嘅意見係,電髮要染少少色,先會有好出嘅感覺!但我又好怕又電又染會好傷,咁 Ron 就話唔會嘅,佢會幫我諗辦法,做一啲護理,去減低對我頭髮嘅傷害!好啦!放心交個頭比你啦!

另外,好開心,因為佢哩到有叉電位,你只要帶 USB 線來,就可以叉住電整頭,唔怕電話冇電,連尿袋都唔洗帶!

正,去洗頭先!我個日都算早來,所以可以獨佔洗頭房!有咁多張洗頭椅,唔洗怕冇位要等位洗頭!

哈哈,真係好好嘅享受,兩個一齊幫我整頭!佢地先落電頭髮嘅藥水!

我想講,行去洗頭房都要一段路,因為間 Salon 真係大,哩兩張相只係我坐係到嘅兩個角度相,未計我影唔到嘅!

我個朝太早食早餐,所以好快就餓,Salon 可以代叫外賣,就算你冇錢袋係身都唔緊要,可以加埋係張單到,到最後走先找數!勁方便!

係電前再要加左一啲養份落頭髮,因為係電髮過程中,會吸收過多養份,為免吸收得太多,佢地人手再加啲上去,咁就會吸收左人手加上去嘅先,唔會將原本頭髮有嘅一次過吸哂!

佢地係用日本 Paimore 熱療電髮藥水,電髮同時為頭髮注入養份,將電髮過程受損程度降到最低,電髮同時護髮。

電髮過程中,每次落藥水同上捲時,都加左 APT 大豆精華去保護頭髮。

拆左捲個樣真係好搞笑!Ron 話因為我啲頭髮夠彈,所以拆左捲會咁!

洗完頭,就變左咁!Um⋯果然,唔染係真係黑到咩都睇唔到。

佢地全公司都係用 Dyson 風筒!Um⋯好Pro喔!仲有 Ron 專用嘅風筒就寫住佢個名架!

做到咁上下,點都要去巡視下個洗手間,好乾淨,唔會話好臭!同埋都有分男、女架!

呀!行去洗頭房仲要經過哩條行,哩到都有好多個位,我幾鐘意哩個位嘅設計,夠特別!

講返先,咁黑嘅頭!話左會染少少顏色!Ron 為我揀左 一個日系既顏色 – 啡紫色,但佢染個陣冇同我講顏色,我同佢講左唔想太突出,就交左比佢決定!

染完出來,吹埋頭,我真係勁滿意,因為電到我想要個種髮型,就係要電完出來又好自然個種感覺!而且相比起我未染色前,攣頭髮個感覺出好多,果然冇介紹錯!

【Unite】Hair Salon 真係大,連 VIP 房都有兩間,仲有車車比小朋友坐住剪頭髮,下次等我帶埋芊嶠同劻霖來剪先!

最後要附上價目表,住元朗嘅你們,嶠媽推介你地來【Unite】喔!

哩張係整頭前影嘅相,未洗頭就係咁嘅樣!

整完頭,總共整左5小時,唔算你好耐!但整完出來真係好鬼開心,因為4年啦!我終於有時間整靚個頭!多謝 Ron,紫啡色染出來嘅感覺真係好特別,唔會太誇張,但又會明顯睇到有色。想同嶠媽一樣扮靚靚,即睇 Ron 嘅聯絡資料,可直接 whatsapp 佢預約,又或者 Follow 佢 Facebook and IG,睇下佢嘅作品啦!

髮型師:Ron Lam

預約電話:53137299

Facebook:https://www.facebook.com/53137299ronlam/

IG:https://instagram.com/p/BoQT1Wjnmy0/

==================

【Unite】Hair Salon

地址:元朗紅棉圍3號厚德樓6號舖1樓全層

【聖誕商場好去處】康怡廣場

聖誕節去邊到慶祝?嶠媽我就唔需要大魚大肉,但必做嘅係帶住芊嶠和劻霖去唔同商場,搵唔同嘅聖誕佈置裝飾,去留影,或者換限量精美紀念品。嶠爸係太古城返工,咁當然要去埋康怡廣場啦!

今個聖誕節,微笑王國的小精靈「喂喂」與朋友「毛毛熊」、「拉拉貓」、「草莓蛋糕兔」等遠道來到康怡廣場,於2018年11月10日至2019年1月1日期間邀請大家走進微笑精靈「喂喂」聖誕裝置,一起尋找值得微笑的溫暖時刻,將絲絲暖意傳遞給你所愛的人。

調皮的微笑精靈換上一襲聖誕裝,用暖意和正能量燃亮康怡廣場每個角落,讓大家過一個莞爾幸福嘅冬日聖誕。

台灣插畫家 weiweiboy 創作嘅微笑精靈各具特色,可愛嘅外型下蘊藏巨大嘅微笑力量。

「喂喂」與「毛毛熊」在漫天雪花的年曆中傳播快樂因子,為你新一年注入無限正能量。

=================

【康怡廣場 x 微笑精靈「喂喂」聖誕微笑傳遞 2018】

日期: 2018年11月10日至2019年1月1日
時間:上午10時至晚上10時
地點:康怡廣場

=================

【微笑精靈「喂喂」限量版 2019 年曆換領】

日期:2018年11月10日至2019年1月1日
時間:上午10時至晚上10時
換領地點:M樓禮賓服務台
換領方法:顧客以電子貨幣消費滿港幣1,000元或以上*,並「追蹤」康怡廣場微信或 Instagram 戶口,或「讚好」康怡廣場 Facebook 專頁,即可換領限量版 2019 年曆乙個。

【聖誕玩轉挪亞方舟】聖誕老人村

又到聖誕,又到聖誕,每區嘅商場都有好多唔同活動!今個聖誕,芊嶠就去到挪亞方舟返工,做個見習聖誕老人。佢要挑戰「螢光聖誕大歷險」嘅多項考驗眼界和身手嘅任務、經營「童夢聖誕市集」嘅小店並炮製精緻可口嘅甜點以及接受「鹿車飛馳天地」嘅駕駛特訓等。

首先,介紹兩大精選活動推介:「螢光聖誕大歷險」訓練準繩的眼界及敏捷的身手 及「童夢聖誕市集」體驗營運店舖的樂趣,學習待人接物的訣竅。

【七大見習活動】逐一挑戰升級為聖誕老人!「螢光聖誕大歷險」,小小見習聖誕老人的首要任務就是到螢光秘密基地受訓,適應漆黑的環境,並練成準繩的眼界以及敏捷的身手。

Zone 1︰挑選鮮艷奪目的螢光飾物打造專屬「螢」像。

Zone 2︰踏上螢光電動單車,接受測試體能。

Zone 3︰操作迷你起重機,訓練技術吊起螢光小禮物。

Zone 4︰以「螢」格玩具槍錨準目標,進行射擊練習 (建議年滿8歲之兒童參加,8歲以下之兒童建議由家長陪同參加)。

Zone 5︰手執份量十足的保齡球,完美擊倒位於賽道終端的巨型螢光保齡球樽。

Zone 6︰於螢光留言牆記錄參與「螢光聖誕大歷險」的感受或寫下聖誕祝願鼓勵句語。

在「童夢聖誕市集」,見習聖誕老人將主理糖果、爆谷、冬甩、窩夫及手作等小店,親手包辦製作甜點、招待客人等大小事務,合力打造首個由小朋友營運的聖誕市集!小小見習聖誕老人可以體驗經營店舖嘅樂趣,更能學習待人接物嘅技巧,並可將自己炮製嘅甜品帶回家品嚐,別具意義。

【聖誕薄餅工房】薄餅是聖誕派對必備嘅食物之一,作為見習聖誕老人,當然要到「聖誕薄餅工房」偷師學藝,然後與親朋摰愛分享自製嘅窩心滋味。

工房導師將教授小朋友運用創意製作以聖誕樹為造型嘅薄餅,並配上色彩繽紛的食材作點綴,賣相精緻且富有心思。

【窩夫店】用心製作一塊窩夫,再剪裁一下,加埋眼睛和鼻子,就可以變成可愛小鹿,客人收到一定會份外驚喜!

【爆谷店】自己一手一腳製爆谷,看似容易,其實都要考工夫,把爆谷裝落靚靚筒內要包裝好,客人一定十分滿意。

【糖果店】根據客人嘅喜好,幫客人一手一腳夾糖果,糖果七彩顏色,希望收到嘅客人會開心歡喜。

【冬甩店】根據客人想要嘅口味,去製作一棵美美的冬甩,客人自己享用或送禮都可以。

【DIY店】親手選自己喜愛嘅配飾,再放入玻璃瓶內佈置一番,仲會配埋變色搖控,回家加水在玻璃瓶內,效果更靚。

【未來聖誕郵箱】聖誕老人一直肩負為小朋友達成願望的重大使命,那麼自己的盼望有否實現呢?

小小見習生將於精美的聖誕卡寫下目標和冀許,投進「未來聖誕郵箱」,寄給未來的自己!他們來年會收到這張聖誕卡,回顧所許嘅心願成真與否。

【鹿車飛馳天地】提到聖誕老人派送禮物嘅最佳夥伴,當然非鹿車莫屬吧!來到「鹿車飛馳天地」,見習聖誕老人會接受密鑼緊鼓的駕駛特訓,騎著小鹿車穿梭,體驗馳騁的快感,並從中學習駕駛鹿車的技巧,才能與最佳夥伴暢順無阻地完成禮物派送嘅任務。

**「鹿車飛馳天地」只適合身高80厘米至140厘米、3歲或以上之小童;每輛車只可載一位小童,盛載量不得超過88磅。

【啤啤熊製作室】派送禮物後,見習聖誕老人可到「啤啤熊製作室」親手製作屬於自己的聖誕禮物!

透過發揮創意思維,為熊仔設計獨一無二的形象,揀選型格醒目嘅服裝,並帶它歸家同渡溫馨嘅節日時光。

【聖誕老人畢業拍照區】經過連串指定的訓練和任務,參與見習嘅小朋友都可順利晉升為聖誕老人!來到「聖誕老人畢業拍照區」,他們將獲頒畢業證書以作嘉許,更可穿著聖誕老人服飾拍照留影,記錄滿載喜悅嘅時刻。

**「童夢聖誕市集」嘅所得收益在扣除成本後,將撥捐予慈善機構 Rainbow Foundation,向參加者傳遞分享嘅訊息。

===================

挪亞方舟「玩轉聖誕老人村」活動指引

日期:2018年12月8日至2019年1月1日 (逢星期六、日及公眾假期)
時間:上午10時至下午6時
地點:香港新界馬灣珀欣路33號
查詢電話:3411 8888
網站:詳情請參閱 http://www.noahsark.com.hk
入場費:凡進入挪亞方舟人士需繳付入場費,成人 HK$168,小童及長者 HK$138 (每位 3-11 歲小朋友會有$80遊戲券)

活動收費 (遊戲券):窩夫店、爆谷店:$20 遊戲券;聖誕薄餅工房、糖果店、冬甩店、DIY店:$40 遊戲券。

活動收費 (現金):啤啤熊公仔 ($100/個);醒目服飾 ($120/套)。

【奶粉初嘗試】來自紐西蘭的荷仕蘭 Hoeslandt 金裝嬰兒配方奶粉

我相信自陀bb開始,就會諗定,到底比佢飲奶粉定人奶好?我都好老實,兩胎我都係餵人奶,當然餵人奶嘅路人人都唔同,我都算順利啦!但佢地開始大,我又會諗,係咪都要比其他奶佢地飲呢?嶠媽第一想法係比佢地飲鮮奶,因為我本身都好鐘意飲鮮奶,而且都怕奶粉會好甜!直至到朋友開始講話有隻叫【荷仕蘭Hoeslandt】嘅奶粉唔錯喎,所以又燃起我比芊嶠和劻霖飲奶粉嘅念頭。

嶠媽之所以比鮮奶芊嶠和劻霖飲,主要係因為想佢地吸收多啲鈣質。但如果飲鮮奶,有啲小朋友飲左會敏感,有啲更加會出現肚瀉問題,所以唔係個個小朋友都岩飲鮮奶,都要因應返小朋友嘅身體狀況。

近排聽朋友介紹,講到有隻奶粉唔錯,令到我心郁郁想比芊嶠和劻霖試下。以前唔揀奶粉,都有好多原因,怕甜、怕會令消化能力差,怕對佢地皮膚唔好。但朋友講其實每個小朋友嘅反應都有唔同,唔應該一支竹竿打翻全隻船。因此嶠媽決定試一試鮮奶以外另一選擇,就係100%紐西蘭製造嘅【荷仕蘭Hoeslandt】!

深入了解後,原來奶粉係有分唔同號數,1、2、3、4號,每個號數係比唔同年齡層嘅小朋友飲用,因為每個階段嘅小朋友所需都唔同。而劻霖就係飲3號奶粉 (12-36個月),芊嶠就飲4號奶粉 (3歲以上)。

奶源其實都係一個重要嘅考慮因素,【荷仕蘭Hoeslandt 】係源自天然100%紐西蘭原裝進口,優越嘅自然生態環境及淨水資源,可以成就好奶源。

【荷仕蘭Hoeslandt】“OPG天然舒營基因組合”營養配方奶粉,由紐西蘭GMP製藥級乳品廠生產,是Winston Nutritional旗下品牌,荷仕蘭Hoeslandt 的奶源百分百採集自紐西蘭牧場。

每罐【荷仕蘭Hoeslandt】入面都有一個獨立包裝嘅奶粉殼,罐後都有教學,比我哩啲未餵過奶粉嘅媽媽,參考一下用幾多毫升水配幾多殼奶粉。

因為芊嶠和劻霖都開始大,所以我就用杯開比佢地飲。

倒落杯後用攪拌棒攪拌,奶粉就溶哂,嶠媽係用溫水開,劻霖都急不及待試飲!

劻霖飲左幾淡,表示好開心,好好味!而嶠媽試飲後,感覺係唔錯,至少唔係好甜,奶味都足夠!

芊嶠就更開心啦!因為佢當左係飲一樣新飲品,佢話好味過鮮奶喎!

【荷仕蘭Hoeslandt】以特有技術結合獨家“OPG天然舒營基因組合”營養配方研發出最適合BB健康成長的嬰兒配方奶粉。在保留珍貴及天然營養成分的同時,優化各種營養元素的比例,全面提供2大健康基力及4大智能發展,打造內外兼備的成長基礎。

兩大健康基礎:抵抗力及消化力,我諗每位媽媽最擔心都係哩兩個問題。【荷仕蘭Hoeslandt】有助支持BB免疫系統全面發展,減少BB腹瀉、皮膚敏感的機會,使BB睡得安心;珍稀結構脂OPO 這特殊的分子結構,不易與BB體內鈣離子結合,可以幫助關鍵營養素更高效的吸收和利用,有助支持BB保持消化系統健康及營養吸收,讓便便更鬆軟。

4大智能發展:數理邏輯智能、空間智能、肢體動覺智能及人際智能。嶠媽會想選奶粉原因,因為奶粉本身係有好多營養加左係入面,而鮮奶就唔會有。對於佢地有時揀飲擇食,飲奶粉可以幫佢地補充日常所需鈣質,仲可以補充其他營養,幫助吸收不同營養。

*以上資料純粹個人意見!

更多【荷仕蘭Hoeslandt】資料:

【內在美篇】功能內衣的重要性

我相信每個女人都貪靚,都想自己美美的!雖然內在美應該只係留比老公睇!但其實內衣著得好,著一件適合自己嘅內衣,都絕對係一門學問!點解睇落人地好豐滿,身型好好?自己就平平無奇。

對於揀內衣,係咪貴就一定好?Um⋯應該咁講,除左睇價錢,應該要睇埋佢嘅價值,佢到底幫唔幫到你,你有冇揀一件適合自己嘅內衣!今次嶠媽就同朋友仔一齊去左 BodiBra 選購功能內衣!

平時入去睇內衣,通常都會係先揀款,再試 size!但唔好意思,BodiBra 絕對係唔同嘅!

你踏入門口,就代表你想改變,你想認識功能內衣,你想戴啱 Bra 去 show 你嘅完美身型。

入到店內,會有專業顧問去跟你,去同你做個檢查,哈哈,講檢查會唔會嚇親你?其實好簡單,除左面衫,顧問一眼睇落去,就知我地適合咩,哩啲叫專業🤭嶠媽應該係好多問題,因為餵人奶其實對個胸形都會有影響,但點樣先幫到自己?

經過顧問嘅推薦和教學,嶠媽就買左一 set 適合自己嘅產品,除左穿著方面,都要做一啲幫助改善嘅工作。

先介紹返,佢地嘅 Bra,就咁睇落去真係好似一樣,只有顏色唔同?

認真睇,Bra 嘅每個杯,都分為3截,哩3截都係人手製,所以佢嘅價錢貴係有理由嘅!

嶠媽覺得最特別嘅係,佢連胸墊都係有骨,咁樣先可以跟返每個人嘅胸部,做到更貼。

嶠媽我已經試穿超過一個月,我上次買嘅係有 Bra 和功能背心,開頭著真係好唔慣,好似抖唔到氣咁,每日一定要著6-8小時先有用!話雖如此,嶠媽覺得著左之後,唔知係咪因為束住左,平時食左正餐,中間嘅時間,都唔會有想食零食嘅想法!咁變相未可以減埋肥?

咁但你可能會問,咁買完,顧問幫我調較好哂嘅帶嘅長度,比左咁多錢,點知有冇成效?咁就啱啦!顧問會建議我地兩星期去一次任何一間分店,比顧問跟進下你嘅情況,繼而再幫你作出調整!

而嶠媽只係著左兩星期嘅功能背心 + bra,我再去分店時,個顧問都話我條帶鬆左好多,話我瘦左好多!因為條帶要調節嘅位都好多。另外,嶠媽覺得著左功能背心,個人會不自覺坐得直啲,其實都會順便改善背肌問題、望落唔會好大舊野咁!

我會選擇功能內衣,唔係因為佢令我個對胸變大左,係因為女人戴 bra 本應就係要 keep 住對胸靚!著功能內衣只係幫助你胸形更靚!配合功能背心,背肌、肚腩、胃腩問題通通都 say goodbye!

#BodiBra #BodiBra心心功能內衣 #買錯胸圍戴錯BRA #功能內衣 #重塑身型 #產後修身 #嶠媽分享 #同朋友shopping最開心

Blog at WordPress.com.

Up ↑